सप्तरी – ५१ वर्षीया महिलालाई जबरजस्ती गरेको अभियोगमा फेदाप गाउँपालिका– ३ जलजले बस्ने २५ वर्षीय सिंहराज खापुङलाई प्रहरीले पक्राउ गरेको छ ।

शुक्रबार दिउँसो खापुङले मादक पदार्थ सेवन गरेर मातेपछि महिलालाई जबरजस्ती गरेका थिए । प्रहरी चौकी पोक्लावाङबाट खटिएको प्रहरीले उनलाई पक्राउ गरी थप अनुसन्धान गरिरहेको छ ।९ वर्षीया बालिकालाई जबरजस्ती करणी गरेको अभियोगमा काठमाडौ महानगरपालिका–२१ दलाक्षी डेरा गरी बस्ने ५० वर्षीय बद्री बहादुर धिताललाई शनिबार राति प्रहरीले पक्राउ गरेको छ ।महानगरीय प्रहरी वृत्त जनसेवाबाट खटिएको प्रहरीले उनलाई पक्राउ गरेको हो । त्यस्तै ओखलढुंगामा १० वर्षीया बालिकालाई जबरजस्ती करणी गरेको अभियोगमा चम्पादेवी गाउँपालिका–६ बस्ने ३४ वर्षीय अम्मर बहादुर नेपाली पक्राउ परेका छन् ।

उनलाई पनि शनिबार बेलुका प्रहरीले पक्राउ गरेको थियो । प्रहरी चौकी चप्लु घोराखोरीबाट खटिएको प्रहरीले उनलाई पक्राउ गरी थप अनुसन्धान सुरु गरेको छ ।