इङ्ग्लिस क्लब चेल्सीका स्ट्राइकर रोमेलु लुकाकुले च्याम्पियन्स लिगअन्तर्गत स्पेनिस क्लब रियल मड्रिडसँगको खेल गुमाउने भएका छन् । चोटका कारण लुकाकुले भोलि (मङ्गलबार) राति हुने रियलसँगको खेल गुमाउने भएका हुन् ।

च्याम्पियन्स लिगको क्वार्टरफाइनलको दोस्रो लेगअन्तर्गत चेल्सीले रियलसँग खेल्दै छ । नेपाली समयानुसार भोलि राति १२ः४५ बजेबाट सुरु हुने उक्त खेल रियलको मैदान सान्टियागो बर्नाबेउमा हुने छ ।

स्टाम्फोर्ड ब्रिजमा भएको पहिलो लेगको खेलमा चेल्सी रियलसँग १–३ गोलान्तरले पराजित भएको थियो । सोही खेलमा बेल्जियन स्टार लुकाकु घाइते भएका थिए ।