सरकार र वायुसेवा सञ्चालक संघबीच रात्रीकालीन उडानका लागि अध्ययन गर्न कार्यदल गठन गर्ने सहमति भएको छ ।

पर्यटन मन्त्रालयले १८ घण्टा उडान गर्ने निर्देशन दिएसँगै वायुसेवा सञ्चालकले उडान गर्न नसकिने भन्दै हड्तालमा उत्रने घोषणा गरेका थिए ।

पर्यटनमन्त्री प्रेमबहादुर आलेसँग वायुसेवा सञ्चालकको छलफलमा रात्रीकालीन उडानको लागि नागरिक उड्यन प्राधिकरण,एटिसी,वायुसेवा कम्पनीबीच कार्यदल गठन गर्ने सहमति भएको छ ।

कार्यदलले बैशाख २१ सम्ममा सुझाव दिने जनाइएको छ । कार्यदल गठन गर्ने सहमतिसँगै शुक्रबारदेखि हड्तालमा उत्रने घोषणा गरेका वायुसेवाले उडान सुरु गरेका छन् ।