विमानस्थलमा हुने दुर्घटनाबाट हुन सक्ने क्षति कम गर्न विराटनगर विमानस्थलमा संयुक्त उद्धार अभ्यास गरिएको छ।

नागरिक उड्‍यन प्राधिकरणसहित सुरक्षा निकायले विमानस्थल भित्र हुने दुर्घटनालाई क्षति हुन नदिन अन्तिराष्ट्रिय मापदण्ड अनुसार उद्दार अभ्यास गरेको हो।

अभ्यासको क्रममा आधार दर्जन बढी एम्बुलेन्स, दमकल, ठूलो संख्यामा सुरक्षाकर्मी, एयरलाइन्स कम्पनीका कर्मचारीहरु सहभागी भए।

आईकाओको मापदण्ड अनुसार हरेक दुई वर्षमा यस्ता अभ्यास हुने गरेको विराटनगर विमानस्थलल प्रशासनले जनाएको छ।

विराटनगर विमानस्थलका प्रमुख उत्सव खरेलका अनुसार, वार्षिक नयाँ रणनीति सहितको समिक्षा र छलफल गर्ने गरिएको छ।

मोरङका प्रमुख जिल्ला अधिकारी काशीराज दाहालले विमानस्थल अत्यन्त संवेदनशील क्षेत्र रहेकोले दुर्घटना भइहालेमा तत्काल उद्दार र उपचारसँग सम्बन्धित भएर काम गर्न यो अभ्यासले भूमिका खेल्ने बताए।

सबैको समन्वय र सहकार्य निरन्तर हुनुपर्नेमा प्रजिअ दाहालले जोड दिए। उनले बाहिरबाट केही जस्तो देखिए पनि यो विमानस्थलको न्तरिक कार्य अन्तर्गत रहेको सुनाए।