सप्तरी – राजविराज सप्तरीका १८ वटा पालिकामध्ये ७ वटामा मतगणना सुरु भएको छ । तीन नगरपालिका र चार गाउँपालिकामा मतगणना सुरु भएको हो ।

जिल्ला निर्वाचन कार्यालय सप्तरीका अनुसार सप्तकोशी नगरपालिका, सुरुङ्गा नगरपालिका र कञ्चनरुप नगरपालिकामा मतगणना सुरु भएको छ ।

यस्तै अग्निसाइर कृष्णासावरण गाउँपालिका, तिलाठी कोइलाडी गाउँपालिका, महदेवा गाउँपालिका र विष्णुपुर गाउँपालिकामा मतगणना सुरु भएको जिल्ला निर्वाचन कार्यालय सप्तरीका प्रमुख रमेशकुमार जोशीले जानकारी दिए ।

जोशीका अनुसार केही पालिकामा सर्वदलीय बैठक जारी रहेको र केहीमा सर्वदलीय बैठक बस्ने तयारी भइरहेको छ ।डाक्नेश्वरी नगरपालिका र रुपनी गाउँपालिकामा एक/एक बुथको मतदान स्थगित भएकोले पुनः मतदान पछि मात्रै गणना हुने उनले बताए ।