मकवानपुर – जिल्ला प्रहरी कार्यालय मकवानपुरले ५ ग्राम लागूऔषध खैरो हिरोइनसहित एक जनालाई पक्राउ गरेको छ ।

हेटौंडाको रातोमाटे प्रहरी चौकीबाट खटिएको प्रहरी टोलीले मकवानपुर जिल्ला हेटौंडा उपमहानगरपालिका वडा नम्बार १५ बाट खैरो हिरोइनसहित व्यक्ति पक्राउ गरेको जनाएको छ । रातोमाटे चेकपोष्ट स्थित सडक खण्डमा सवारी साधनहरू जाँच गर्ने क्रममा मकवानपुर हेटौंडा उपमहानगरपालिका वडा नम्बार १ चाइनाक्वाटर बस्‍ने ३४ वर्षीय निराजन घिमिरेलाई नियन्त्रणमा लिएको हो ।

चेकजाँच गर्दा निजको साथबाट ५ ग्राम लागूऔषध खैरो हिरोइन जस्तो देखिने पदार्थ फेला परेपछि उनलाई नियन्त्रणमा लिएको प्रवक्ता प्रहरी निरीक्षक रामचन्द्र घिमिरेले बताए । प्रवक्ता घिमिरेका अनुसार उनलाई नियन्त्रणमा लिइ थप अनुसन्धान भइरहेको छ ।