काठमाडौं – चार्डपर्वमा राजधानीमा हुने विभिन्न अपराधलाई नियन्त्रण गर्न काठमाडौं प्रहरीले विशेष सुरक्षा योजना तयार पारि लागु गरेको छ । दशैं तिहारका लागि प्रहरीले चोरी, डकैती, झगडा, लगायतका अपराध गतिविधिलाई कम गर्नको लागि सुरक्षा योजना लागु गरेको प्रहरीले जानकारी दिएको छ।

चार्डपर्वलाई लक्षित गर्दै राजधानीमा करिब ३ हजार ३ सय ४३ जना बर्दी र सादा पोशाकमा प्रहरी खटाइने भएको प्रहरीले जानकारी दिएको छ एसएसपी।

दशैंमा सुरक्षाको लागि प्रहरीको सेन्ट्रल रेस्पोन्स भ्यान (सिआरभी), क्विक रेस्पोन्स टिम (क्युआरटी) र मोटरसाइकलमा समेत प्रहरी परिचालन गर्ने छ। विभिन्न स्थानमा विभिन्न सुरक्षा पोस्ट खडा गरी सुरक्षा व्यवस्था मिलाएको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए।

काठमाडौंका मुख्य चोक, व्यापारीक केन्द्र, आर्थिक कारोबार हुने ठाउँमा निगरानीको लागि सीसी क्यामरा समेत जडान गरेर निगरानी बढाइएको छ। त्यस्तो ड्रोनबाट पनि तस्विर लिएर सुरक्षा प्रदान गर्ने प्रहरीले जानकारी दिएको छ। नाकादेखि अन्य स्थानमा प्रहरीको तालिम प्राप्त कुकुर समेत परिचालन गरिने एसपी दिनेशराज मैनालीले जानकारी दिए।

कुनै ठाउँमा घटना भइरहेको जानकारी आएमा ५ देखि ७ मिनेटमा पुग्ने गरि व्यवस्था समेत गरिएको प्रहरीको दाबी छ।