काठमाडौँ – पोखरामा यती एयरलाइन्स दुर्घटनामा परेर मृत्यु भएकाहरू मध्ये विदेशी नागरिक, चालक दलका सदस्य, पोखरा बाहेकका क्षेत्रमा घर भएकाहरू तथा पोखरमा सनाखत हुन नसकेकाहरूको शव काठमाडौँ ल्याइएको छ ।

मंगलबार नेपाली सेनाको एमआइ १७ हेलिकप्टरले शवहरू ल्याएको हो ।

निर्धारित तालिका अनुसार महाराजगन्ज स्थित नेपाल प्रहरीको प्रशिक्षण प्रतिष्ठान मा हेलिकप्टर अवतरण गर्ने रहेको भएतापनी अत्याधिक धुलो उडेको कारण हेलिकप्टर त्रिअबी मै अवतरण गरेको छ ।

त्रिअवीमा भने सञ्चार कर्मीलाई प्रवेश गर्न दिइएन । अहिले शवहरू त्रिभुवन विश्वविद्यालय, शिक्षण अस्पताल महाराजगन्जमा राखिएको छ ।