रौतहट – रौतहटको सीमावर्ती राजपुर नगरपालिकामा अवैध रुपमा भण्डारण गरी गोदाममा राखिएको रासायनिक मल प्रहरीले बरामद गरेको छ।

राजपुर नगरपालिका ६ पानी टङ्की बजार छेउको गोदाममा भण्डारण गरी राखिएको भारतीय डिएपी र युरिया मल संयुक्त प्रहरी टोलीले बिहीबार बरामद गरेको हो ।

भारतबाट अवैध रूपमा ल्याएर भण्डारण गरी राखेको सूचनाको आधारमा जिल्ला प्रहरी कार्यालय गौर, इलाका प्रहरी कार्यालय राजपुर र सशस्त्र प्रहरी ११ नम्बर गण बाट गएको संयुक्त टोलीले डिएपी र युरिया गरी कूल ४६६ बोरा मलखाद बरामद गरेको प्रहरीले जनाएको छ।

बरामद मलखाद आवश्यक कारबाहीको लागि गौर भन्सार कार्यालय पठाइएको जिल्ला प्रहरी कार्यालय रौतहटले जनाएको छ।