सप्तरी – सप्तरीको अग्निसाइर कृष्णासवरण गाउँपालिका वडा नम्बर ५ का वडाध्यक्ष सवदुल मियाँ ५० हजार घुस रकम सहित पक्राउ परेका छन्।

अख्तियार दुरुपयोग अनुसन्धान आयोगको टोलीले घुस लिदालिदै उनलाई रंगेहात पक्राउ पक्राउ गरेका हुन। स्थानीय हिरावती आधारभूत विद्यालय बकधुवाको निर्माणाधीन भवनको वडा कार्यालयबाट निर्माण सम्पन्न भएको सिफारिस दिन उनले घुस मागेका थिए । घुस रकम लिएलगत्तै आयोगको इटहरी कार्यालयबाट खटिएको टोलीले उनलाई मंगलबार विद्यालयबाटै पक्राउ गरेको अख्तियार दुरुपयोग अनुसन्धान आयोग इटहरीका प्रवक्ता भोला दाहालले जनाएको छ । अध्यक्ष मियाँलाई अख्तियर दुरुपयोग अनुसन्धान कार्यालय ईटहरीले नियन्त्रणमा राखी आबश्यक कारबाही अगाडि बढाएको समेत जानकारी गराए ।

यता वडा अध्यक्ष मियाँले कुनै पनि योजना सम्पन्न भएको सिफारिस लिन जाँदा घुस माग्ने गरेको सेवाग्राहीहरुको गुनासो समेत रहेको छ ।