राजबिराज सप्तरी  – सञ्चारकर्मी नवीन यादवलाई मुख पत्र ” वाङमय जगत ” प्रदान गरिएकाे छ ।
तिलाठी काेईलाडी गाउँपालिका वडा नम्वर ७ बभनगामा गाउँ बस्ने संचारकर्मी नविन यादवलाई महेन्द्र पुस्तकालय कार्यसमितिकाे अध्यक्ष बलराम यादवले मुख पत्र ” वाङमय जगत” प्रदान गरेकाे हाे ।
पत्रकार नविन यादवले आफ्नो समुदायकाे लागि सामाजिक र धार्मिक कार्य प्रति राम्रो विचार लिएर हिडनुकाे साथै सहयाेग गर्दै आएकोले यो प्रदान गरिएको अध्यक्ष बलराम यादवले बताए ।
यस्ता कार्यमा जुटेर समाजमा याेगदान गर्ने युवाहरूलाई हामी सधैं सम्मान गर्दछाैं अध्यक्ष यादवले धारणा व्यक्त गरे । अध्यक्ष यादवकाे अनुसार दशैकाे समयमा गाँउकाे डिहिबार थानमा पत्रकार यादवकाे पहलमा कलश यात्राले गाउँमा आपसी सदभावकाे संदेश समेत दिलाएका छन्।
हाल अहिले नेपालगन्जकाे महेन्द्र पुस्तकालयकाे अध्यक्ष रहेका यादव बभनगामा गाँउकाे पहिलाे एस एलसी उतिर्ण गरेकाे ब्यक्ति हुन् । उनले २०२४ सालमा श्री लक्ष्मी बल्लव नरसिंह उच्च मा.वि बभनगामा कट्टीबाट एसएलसी उतिर्ण गरेकाे थियाे । शिक्षा क्षेत्रकाे धनी यादव तिलाठी काेईलाडी गाउँपालिका ६ स्थित बभनगामा गाउँ निवासी अवकाश प्राप्त प्र.अ हुन् ।