अनवर अलि
सिम्रौनगढ नगरपालिकासँग आफ्नाे पारिश्रमिकको माग गर्दै आन्दोलन गरिरहेका एक शिक्षक मृत अवस्थामा फेला परेका छन्।
सिम्रौनगढ नगरपालिका–८ कचोर्वा रहेको नेपाल राष्ट्रिय प्राथमिक विद्यालयमा कार्यरत ३५ वर्षीय शिक्षक नरेन्द्र पराजुली मृत अवस्थामा फेला परेका हुन्।
शुक्रबार बेलुका कचोर्वा नयाँ बजारमा उनको शव फेला परेको इलाका प्रहरी कार्यालय सिम्रौनगढका प्रमुख प्रहरी निरीक्षक रवि भुषण यादवले जानकारी दिए।
सिन्धुपाल्चोक घर भएका पराजुली गत चैतदेखि त्यस विद्यालयमा कार्यरत थिए। शिक्षक सेवा आयोगबाट नाम निकालेपछि उनी त्यस विद्यालयको दरबन्दीमा थिए।
शिक्षकको मृत्युबारे अनुसन्धान भइरहेको प्रहरीले जनाएको छ। उनको शव पोस्टमार्टमका लागि कलैया प्रादेशिक अस्पताल पुर्याइएको प्रहरी निरीक्षक यादवले बताए।
मृतक पराजुलीले पाँच महिनादेखि नगरपालिकाबाट तलब सुविधा पाएका थिएनन्।
१.
२.
३.
४.
५.
६.