अनवर अलि
काठमाडौं- धादिङको कृष्णभिरमा मृत फेला परेका पत्रकार प्रकाश ढकालको हत्या आरोपमा प्रहरीले ४ जनालाई पक्राउ गरेको छ । ढकालको हत्या आरोपमा जिल्ला प्रहरी कार्याल धादिङले ४ जनालाई पक्राउ गरेको हो ।
धादिङ प्रहरीका अनुसार पक्राउ पर्नेहरुमा सन्तोष परियार, निलबहादुर दर्जी, समीर विक र रविराज सुवेदी छन् । पक्राउ परेका ४ जनामध्ये १ जना बसका साहु, १ जना चालक र २ जना सहचालक रहेको प्रहरीले जनाएको छ ।
प्रहरीले पत्रकार एवं कलाकारसमेत रहेका ढकाल तिहारमा आफ्नो घर स्याङ्जाको चापाकोट गएका थिए । स्याङ्जाबाट काठमाडौं फर्किने क्रममा बसमा विवाद भएपछि कुटपिट गर्दै बसबाट झारेको पाइएको जनाएको छ।
उनीहरुले विवाद भएपछि रातिको समयमा बसबाट ढकाललाई झारेका थिए । ४ दिनदेखि हराइरहेका ढकालको शव मंसिर ४ गते कृष्णभिरमा भेटिएको थियो ।
त्रिशुली नदीमा र्याफ्टिङ गर्ने व्यक्तिले शव देखेपछि प्रहरीलाई खबर गरेका थिए । शव संकास्पद भएपछि प्रहरीले अनुसन्धान अघि बढाएको थियो ।
१.
२.
३.
४.
५.
६.