सप्तरी – पुर्व पश्चिम राजमार्ग अन्तर्गत सप्तरीको रुपनी गाउँपालिका १ स्थित खाँडो खोलामा बुधबार बस दुर्घटना भएको छ । पश्चिमबाट पुर्वतर्फ जाँदै गरेको ना ८ ख ७३६१ नम्बरको परेली बस अनियन्त्रित भइ दुर्घटना भएको हो ।
दुर्घटनामा चितवन भरतपुरका बालकृष्ण श्रेष्ठ घाइते भएको प्रहरीले जनाएको छ । श्रेष्ठको सप्तरी करडबोना स्थित रेखा मेडिकलमा उपचार भइ घरफर्किएको इलाका प्रहरी कार्यालय रुपनीले जनाएको छ ।
बुधबार विहान एक्कासि बस अनियन्त्रित भइ खाडो पुलमा ठोकिँंएको प्रहरीले जनाएको छ । बस खोलामा नझरी पुलमै अड्किएकाले ठुलो मानवीय क्षति हुनबाट जोगिएको इलाका प्रहरी कार्यालय रुपनीका प्रहरी सहायक निरीक्षक रमन सिँहले जानकारी दिए ।
पोखराबाट काँकडभिट्टा जाँदै गरेको बसमा ४० जनाभन्दा बढी यात्रु सवार रहेका थिए । उनीहरु सकुशल रहेको प्रहरीले जनाएको छ ।