अनवर अलि
काठमाडौं -ओपनर अनिल शाहको विस्फोटक ईनिङको सहयोगमा मधेश प्रदेशले शनिबार सुरु पिएम कममा विजयी सुरुआत गरेको छ ।
पहिलो जित दर्ता गर्ने क्रममा मधेशले कोशी प्रदेशलाई ७ विकेटले हराएको हो ।
कोशीले दिएको १ सय २८ रनको लक्ष्य मधेशले २० दशमलब १ ओभरमा ३ विकेट गुमाएर पूरा गर्यो ।
मधेशका लागि शाहले ५४ बलमा १४ चौका र ३ छक्काको सहयोगमा ८८ रनको अर्धशतकीय इनिङ खेले । अर्का ओपनर तथा कप्तान हरिशंकर शाहले ३३ बलमा २४ रन बनाए ।
कोशीका लागि सोनु मण्डलले २ तथा सुजन थपलियाले १ विकेट लिए ।
त्यसअघि टस हारेर पहिला ब्याटिङ गरेको कोशीले ४१ ओभरमा १ सय २७ रनमा अलआउट भएको थियो ।
कोशीका लागि ओपनर तथा कप्तान अंकित सुवेदीले ५० बलमा ७ चौकासहित ४० रनको योगदान दिए । फिर्दोस अन्सारीले ७१ बलमा २ चौका र १ छक्कासहित ४१ रन बनाए । कोशीका अन्य कुनैपनि ब्याटरले दोहोरो अंकमा रन बनाउन सकेनन् ।
मधेशका प्रदीप पासवानले ३, पवन सरार्फ, राजेश यादव र रन्जित कुमारले २/२ विकेट लिए ।
पहिलो जितसँगै मधेश २ अंकका साथ शीर्ष स्थानमा रहेको छ ।
१.
२.
३.
४.
५.
६.