सप्तरी – लघुवित्त पीडितहरुले सप्तरीको रुपनीमा शनिबार मसाल जुलुस सहित विरोध प्रदर्शन गरेका छन् । बैकहरुले लिने गरेका व्याज फिर्ता तथा लघुवित्त र सहकारीबाट लिएको ॠण मिनाहा गर्न माग गर्दै उनीहरुले विरोध प्रदर्शन गरेका हुन ।

आम महिला मोर्चा लघुवित्त पीडित परिवार सप्तरीका अध्यक्ष सावित्री चौधरीको नेतृत्वमा विभिन्न नारावाजी गर्दै मसाल जुलुस सहित पीडितहरुले रुपनी बजार परिक्रमा गरेका थिए ।

उनीहरुले लघुवित्त विरुद्ध चर्का नारा लगाउँदै मशाल जूलूस समेत प्रदर्शन गरेका थिए । सो क्रममा प्रहरीसंग सामान्य घम्साघम्सी समेत भएको लगुवित्त पीडितहरुले बताए । बिहिबार पनि पुर्व पश्चिम राजमार्ग रुपनी बजार स्थित १ घण्टा चक्का जाम समेत गरेका थिए।
 
विरोध कार्यक्रममा केन्द्रिय सदस्य प्रमोद राणा, जिल्ला उपाध्यक्ष देव कुमारी सेन्चुरी, सचिब इन्जिनियर सुनिलराज दास,विभा साह, सन्जिव साहलगायतका दर्जनौं लघुवित्त पीडितहरु सहभागी थिए ।