सप्तरी – पुर्वपश्चिम राजमार्ग अन्तर्गत सप्तरीको कन्चनरुप नगरपालिका ३ बरमझियामा शुक्रबार तेल बोक्ने ट्यांकरले मोटरसाइकललाई ठक्कर दिंदा एकजनाको घटना स्थलमै मृत्यु भएको छ भने एकजना गम्भीर घाइते भएका छन् ।

दुर्घटनामा सुनसरीको हरिनगर गाउँपालिका वडा नम्बर १ गौतमपुर बस्ने अन्दाजी बर्ष ४१ का महेश कुमार मेहताको मृत्यु भएको हो । पश्चिमबाट पुर्वतर्फ जाँदै गरेको नेपाल आयल निगमको को १ ख ७४१४ नम्बरको ट्यांकरले विपरीत दिशाबाट आउंँदै गरेको प्र १ – ०२०४७ प १२८० नम्बरको मोटरसाइकललाई ठक्कर दिँदा मोटरसाइकल चालकको घटना स्थलमै मृत्यु भएको प्रहरीले जनाएको छ ।

दुर्घटनामा मोटरसाइकलको पछाडि सवार सुनसरी हरिनगर गाउँपालिका १ गौतमपुरका अन्दाजी बर्ष ४० का जय प्रकाश मेहता गम्भीर घाइते भएको “बरमझिया सप्तरी ” नामक सामाजिक संजालमा उल्लेख गरिएको हो ।
घाइते मेहताको कन्चनरुप नगरपालिका १२ स्थित धर्मेश्वर अस्पतालमा उपचार भइरहेको तथा घटना बारे थप अनुसन्धान भइरहेको प्रहरीले जनाएको छ ।