काठमाडौँ – कोटेश्वरस्थित जडीबुटीको लजबाट प्रहरीले लागु औषध ट्रामाडोलसहित दुईजनालाई पक्राउ गरेको छ । पक्राउ पर्नेमा सुनसरी घर भएर बौद्ध बस्ने २९ वर्षीय दिपेश लुइँटेल र ३५ वर्षीय नितेश पाण्डे छन् ।

शनिबार जडीबुटीस्थित लालीगुराँस होटल एण्ड लजबाट आरोपीहरूलाई १५ सय ७० ट्याब्लेट ट्रामाडोलसहित पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले रातोपाटीलाई बताए ।

उनीहरुले काठमाडौँ महानगरपालिका–३२ स्थित जडिबुटीको लजमा कोठा लिएर लागु औषधको कारोबार गरेका हुन् । आरोपीहरूलाई प्रहरीले लागु औषध मुद्दामा म्याद लिएर अनुसन्धान गरिरहेको छ ।