राजविराज सप्तरी-फेरि भेटौंला कार्यक्रम: सप्तरी युथ नेपाल द्वारा सप्तरीका प्रमुख जिल्ला अधिकारी मेखबहादुर मंग्रातीको बिदाई गरेका छन ।
सप्तरीको शान्ति-सुरक्षा, सेवा प्रवाह, र समृद्धिमा महत्वपूर्ण भूमिका खेल्नुभएका प्रमुख जिल्ला अधिकारी मेखबहादुर मंग्राती बिदाईको अवसरमा दर्जनौं संघ-संस्थाहरुको आयोजनामा बिदाई कार्यक्रम भव्य रुपमा सम्पन्न भएको छ।
मंग्रातीको नेतृत्वमा जिल्लामा शान्ति सुरक्षा व्यवस्थालाई चुस्त राख्दै अपराध नियन्त्रण, भिड व्यवस्थापन, र राष्ट्रिय परिचयपत्र वितरणजस्ता महत्त्वपूर्ण कार्यहरू सम्पन्न भएका छन्। नागरिकता, राहदानी, र प्रतिलिपि प्रमाणपत्रहरू सहज रूपमा उपलब्ध गराउने उहाँको प्रयासले आम जनतालाई ठूलो राहत मिलेको थियो । उहाँको निर्देशनमा जिल्लाका कर्मचारीले उच्च मनोबलका साथ कार्य सम्पादन गरी न्यून स्रोत-साधनका बाबजुद उत्कृष्ट सेवा प्रवाह गरेका थिए ।

प्राकृतिक विपद् उद्धारमा उहाँको भूमिका प्रशंसनीय रह्यो, साथै स्वास्थ्य चौकी र अस्पतालहरूको अनुगमन, मालपोत निरीक्षण, र सडक निर्माणमा उहाँको सक्रिय नेतृत्वले जिल्लाको विकासमा महत्त्वपूर्ण योगदान रहेको थियो । छोटो समयमै जिल्लावासीको मन जित्न सफल भएका थिए। मेख बहादुर मंग्राती सरुवा भई जाजरकोट जिल्लाका प्रमुख जिल्ला अधिकारीको रूपमा जान लागेका छन्।