सप्तरी – काठमाडौंको टोखामा गएराति स्कुटर र मोटरसाइकल आपसमा ठोक्किँदा चारजना घाइते भएका छन्।

टोखाबाट ग्रान्डीतर्फ जाँदै गरेको प्रदेश ३ ०२ ००१ प ५४३० नम्बरको स्कुटर र सामाखुसीबाट टोखातर्फ जादै गरेको बा ४१ प १२०० नम्बरको मोटरसाइकल गएराति साढे ९ बजे आपसमा ठोक्किएका थिए। दुर्घटनामा घाइते हुनेमा स्कुटर चालक टोखा बस्ने २१ वर्षीय सुरेश डङ्गोल, स्कुटरमा पछाडि सवार २१ वर्षकै अजय श्रेष्ठ, मोटरसाइकल चालक नुवाकोटका १९ वर्षीय सुजन विश्वकर्मा र मोटरसाइकलमा पछाडि सवार २१ वर्षीय किरण विश्वकर्मा रहेका छन्।

घाइते चारजनाकै ग्रान्डी अस्पतालमा उपचार भइरहेको छ। घाइतेमध्ये किरणको अवस्था गम्भीर रहेको प्रहरीले जनाएको छ।