उखु किसानहरुले जारी राखेको आन्दोलनप्रति ऐक्येवद्धता जनाउँदै सप्तरीका अगुवा किसानहरुले अाज जिल्ला प्रशासन कार्यालय अगाडि एक घण्टा सम्म धर्नामा बसेका छन् ।

जनता समाजवादी पार्टी निकट किसान संघको अगुवाईमा जिल्ला प्रशासन कार्यालय सप्तरी अगाडि अाज दिउसाे १२ बजेदेखि १ बजेसम्म उनीहरुले धर्ना दिएका हुन् ।उखु किसानहरुको वक्यौता रकम भुक्तानी गर्नुपर्ने , धानको समर्थन मूल्य लागु गर्नुपर्ने, किसानलाई समयमा मल, खाद, बीऊ सहुलियत दरमा उपलब्ध गराउनुपर्ने लगायतका विभिन्न मागहरु अघि सार्दै किसान सङघले धर्नामा बसेका थिए ।
किसानहरुको समस्याप्रति सरकारले ध्यान नदिएको तथा उखु किसानहरुको मागलाई सम्वोधन गर्न ढिलाई भईरहेकोले दवाब स्वरुप आफुहरुले धर्ना कार्यक्रमलाई अगाडि बढाएको युवा नेता एव अान्दोलनका अगुवा दिपेन्द्र चौधरीले जानकारि दिनुभयाे ।

यस्तै समस्या समाधानप्रति ध्यान नदिए अझै सशक्त रुपमा कडा आन्दोलन गर्न बाध्य हुने अर्का नेता बिनाेद कुमार यादवले जानकारि दिनुभयाे । यदि किसानहरुकाे जायज माग अविलम्ब कार्यान्वयन गर्ने तर्फ सम्बन्धित निकायले ध्यान नदिएकाे खण्डमा अझै कडा अान्दोलन गर्ने चेतावनि समेत दिनुभयाे । स्मरण रहाेस उखु किसानहरुले विगत लामाे समयदेखि भुक्तानी नदिएकाेले अहिले देशभरिनै त्यसकाे चर्काे विराेध भइरहेको छ ।