सर्लाही – जिल्ला प्रशासन कार्यालय सर्लाहीले धनकौलको अन्नपूर्ण चिनी उद्योगका सञ्चालक राकेश अग्रवालविरुद्ध पक्राउ पुर्जी जारी गरेको छ ।

किसानको उखु बिक्री गरेको रकम उद्योगले भुक्तानी नदिएका कारण अग्रवालविरुद्ध पक्राउ पुर्जी जारी गरिएको सर्लाहीका प्रमुख जिल्ला अधिकारी सुरेन्द्र पौडेलले जानकारी दिनुभयो ।

किसानले तीन वर्षदेखि उखुको रकम नदिएको उजुरी प्रशासनमा दिएपछि त्यसैको आधारमा मिल सञ्चालक अग्रवालविरुद्ध पक्राउ पुर्जी जारी गरिएको हो । धनकौलमा रहेको अन्नपूर्ण सुगर मिलले किसानको अझै १७ करोड रुपैयाँ भुक्तानी गर्न बाँकी रहेको देखिएको छ ।