सप्तरी – काठमाडौं उपत्यकामा पछिल्लो २४ घण्टायता ३१८ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार सबैभन्दा धेरै, काठमाडौंमा २५० जना संक्रमित थपिएका छन्। 

मन्त्रालयका अनुसार भक्तपुरमा ३४ र ललितपुरमा पनि ३४ जना संक्रमित थपिएका छन्।यस्तै, सोही अवधिमा देशभर ६ हजार ५५९ नमूनाको पीसीआर परीक्षण गरिएकोमा ७४३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ। यससँगै हालसम्म मुलुकमा कोरोना संक्रमित हुनेको संख्या २ लाख ५५ हजार ९७९ पुगेको छ। यस्तै, अहिलेसम्म १८ लाख ९० हजार ७४० नमूनाको पीसीआर परीक्षण गरिएको मन्त्रालयले जनाएको छ। स्वास्थ्य मन्त्रालयका अनुसार हाल मुलुकमा कोरोनाका सक्रिय संक्रमितको संख्या भने ७ हजार ५१५ रहेको छ। 

यस्तै, सोही अवधिमा ९५२ जना संक्रमित निको भएका छन्। जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ४६ हजार ६६१ पुगेको मन्त्रालयले जनाएको छ। हाल क्वारेन्टिनमा ४०९ जना रहेका छन्। यस्तै, सोही अवधिमा नेपालमा ५  जना कोरोना संक्रमितको मृत्यु भएको छ। हालसम्म मुत्यु हुनेको संख्या १८०३ पुगेको छ।