सप्तरी – बंगलादेशको मोबाइल फोन ब्रान्ड सिम्फोनी नेपाली बजारमा भित्रिएको छ । सिम्फोटेक प्रालिले यी मोबाइल नेपाली बजारमा उपलब्ध गराएको हो ।कम्पनीले पहिलो चरणमा सिम्फोनी जेड१८, सिम्फोनी जेड२८ र सिम्फोनी जेड३० प्रो गरी तीन स्मार्टफोन सार्वजनिक गरेको छ । सिम्फोनी जेड३० प्रो स्मार्टफोनमा ६.५२ इन्चको एचडी प्लस नोच डिजाइनको डिस्प्ले छ ।

फोनमा मिडियाटेक अक्टाकोर १.८ गिगाहर्जको प्रोसेसरका साथ ४ जीबी र्‍याम तथा ६४ जीबी स्टोरेज अप्सन राखिएको छ । ५ हजार एमएएचको ब्याट्रीजस्ता विशेषता यसमा छन् ।सिम्फोनी जेड २८ स्मार्टफोनमा ६.५२ इन्चको एचडी प्लस डिस्प्ले, १.८ गिगाहर्जको अक्टाकोर प्रोसेसर, १३ मेगापिक्सेलको मुख्य क्यामेरा, ४ हजार एमएएचको ब्याट्री, ३ जीबी र्‍याम र ३२ जीबी स्टोरेज अप्सनजस्ता विशेषता छन् । सिम्फोनी जेड१८ मा भने ६.५२ इन्चको एचडी प्लस डिस्प्ले, ५ हजार एमएएचको ब्याट्री प्याक छ । यो स्मार्टफोन २ जीबी र्‍याम र ३२ जीबी स्टोरेज रहेको कम्पनीले जनाएको छ ।

सिम्फोनी जेड३० प्रो १६ हजार ४ सय ९९ रुपैयाँ, सिम्फोनी जेड२८ को मूल्य १३ हजार ४ सय ९९ रुपैयाँ र सिम्फोनी जेड१८ को मूल्य ११ हजार ९ सय ९९ रुपैयाँ रहेको कम्पनीले बताएको छ ।