सप्तरी – पछिल्लो २४ घण्टामा ४ सय १९ जनामा कोरोनाभाइरस संक्रमण भएको छ ।स्वास्थ्य तथा जनसंख्या मन्त्रालयका अनुसार शनिवार थप ४ सय १९ जनामा कोरोना संक्रमण पुष्टि भएको हो । यससँगै कुल कोरोना संक्रमितको संख्या २ लाख ६१ हजार ४३८ पुगेको छ । अब नेपालमा ५ हजार ७११ जना सक्रिय संक्रमित रहेका छन् ।

यस्तै पछिल्लो २४ घण्टामा थप ७ सय ५० जनाले कोरोनालाई जितेका छन् । यससँगै नेपालमा कोरोना जित्नेको संख्या २ लाख ५३ हजार ८५७ पुगेको छ ।यसैबीच पछिल्लो २४ घण्टामा ६ जनाले कोरोना संक्रमणबाट ज्यान गुमाएका छन् । योसँगै कोरोना संक्रमणबाट ज्यान गुमाउनेको संख्या १८७० पुगेको छ ।