सप्तरी – मोतिहारी–अमलेखगंज पेट्रोलियम पाइपलाइनमार्फत अब पेट्रोल पनि आयात हुने भएको छ।पाइपलाइन सञ्चालनमा आएदेखि हालसम्म डिजेल मात्रै आयात गर्दै आएको नेपाल आयल निगमले निकट भविष्यमै पेट्रोलको पनि आयात गर्ने भएको हो।

नेपाल आयल निगमका कार्यकारी निर्देशक सुरेन्द्रकुमार पौडेलले निगमको ५१औं वार्षिकोत्सवको अवसरमा उक्त जानकारी गराएका हुन्।पाइपलाइन २०७५ भदौ २४ गते देखि सञ्चालनमा आएको थियो। ‘हाल संचालनमा रहेको मोतिहारी–अमलेखगंज पेट्रोलियम पाइपलाइन मार्फत पेट्रोल समेतको आयात गर्ने प्रक्रिया प्रारम्भ गरिएको छ’ आइतबार आयोजित निगमको ५१औं वार्षिकोत्सवमा पौडेलले भने।