सप्तरी – प्राइम लाइफ इन्स्योरेन्सले अघिल्लो आव २०७५÷७६ बाट दिने भनेको नगद लाभांश शेयरधनीहरुको बैंक खातामा जम्मा गरिदिएको छ । कम्पनीले आज एक सुचना जारी गर्दै शेयरधनीहरुको बैंक खातामा नगद लाभांश बापतको रकम जम्मा गरेको जानकारी दिएको हो ।
बैंकले सो आवको मुनाफाबाट ८ प्रतिशत नगद लाभांश दिने प्रस्ताव गरेको थियो । उक्त प्रस्ताव गत पुस २७ गते सम्पन्न साधारण सभाले पारित गरेपछि कम्पनीले शेयरधनीलाई प्रदान गरेको हो ।

हालसम्म डिम्याट खातामा बैंक खाता अध्यावधिक गरेका शेयरधनीले मात्र उक्त लाभांश पाएका छन् । बैंक खाता अध्यावधिक नगरेका शेयरधनीहरुले पनि नेपाल क्लियरिङ हाउसको आईपीएस सदस्यता प्राप्त कुनै बैंक तथा वित्तिय संस्थामा रहेको बैंक खाता अध्यावधिक गर्न कम्पनीले अनुरोध गरेको छ । त्यसपछि उनीहरुको पनि नगद लाभांश जम्मा गरिने कम्पनीको भनाइ छ ।