सप्तरी – प्रदेश–१ का मुख्यमन्त्री शेरधन राईले वैवाहिक जीवन शुरूआत गरेका छन्। राईले आइतबार मिस मंगोल–२०१८ ज्याङमु शेर्पासँग विवाह गरेका हुन्।संखुवासभा पुर्ख्यौली घर भएकी ज्याङमु काठमाडौंमा बस्दै आएकी थिइन् भने मुख्यमन्त्री राई भोजपुरबाट तत्कालीन नेकपा एमालेको राजनीति गर्दै आएका थिए। २०५६ सालमा भोजपुरबाट तत्कालीन नेकपा एमालेबाट सांसद बनेका राई त्यसयता लगातार राजनीतिमा छन्। राई एमालेको जिल्ला सचिव, अध्यक्ष, केन्द्रीय सदस्य हुँदै पोलिटब्युरो सदस्य र संघीय सरकारको मन्त्री तथा मुख्यमन्त्री भएका हुन्। मुख्यमन्त्री राई ओली पक्षीय नेकपामा छन्।