सप्तरी – भारतीय टेलिभिजनको सुपरहिट कार्यक्रम द कपिल शर्मा शो बन्द हुन लागेको छ । शो पूरै बन्द हुन लागेको हैन, यो सीजन मात्र अफ एयर हुन लागेको हो । यसको आधिकारिक घोषणा छिट्टै हुँदैछ ।

नयाँ सीजन ल्याउने तयारी पनि चलिरहेको छ । यति धेरै सफल शो पूरै बन्द गरिने कल्पना पनि गर्न सकिन्न । लकडाउन शुरू भएपछि केही समय शो बन्द भएको थियो तर पछि दर्शक नराखिकन शोलाई निरन्तरता दिइयो । त्यसो हुँदा पनि शोको लोकप्रियता कम भएको छैन । प्रशंसकहरूले शोलाई धेरै सपोर्ट गरिरहेका छन् ।

कपिल शर्माले वेब सिरीज खेल्ने भएकाले पनि सीजन अन्त्य गर्न लागिएको समाचारहरू पनि आएका छन् । नेटफ्लिक्समार्फत कपिल शर्मा डिजिटल डेब्यू गर्न लागिरहेका छन् । उनले यसको घोषणा आफ्नो इन्स्टाग्राम अकाउन्टमार्फत गरेका छन् । द कपिल शर्मा शोका मेकरहरूले नयाँ सीजन आउने भरोसा दिएका छन् ।