सप्तरी – पछिल्लोपटक सप्तरीमा आफन्तबाटे महिलामाथि बलात्कारको घटना हुने क्रम बढेकाे छ । यस्तै क्रममा सप्तरीमा बलात्कारको प्रयास गरेका एकजना युवकलाई प्रहरीले पक्राउ गरेको छ ।
सप्तरीको रूपनी गाउँपालिका वडा न.–३ मलाहाटोलका २६ वर्षीय नरेश मुखिया मलाहालाई बलात्कार प्रयासको आरोपमा पक्राउ गरिएको जिल्ला प्रहरी कार्यालय सप्तरीले जनाएको छ ।प्रहरीका अनुसार नरेश ती महिलाकी छिमेकी हुन् ।गत कात्तिक ६ गते राति शौचालय गएका बेला आरोपितले बलात्कार प्रयास गरेको भन्दै एक महिलाले उजुरी गरेका थिए ।

पीडितले जिल्ला प्रहरी कार्यालयमा दिएको उजुरी कात्तिक २७ गते नै दर्ता भए पनि फरार रहेकाले खोजतलासका क्रममा पक्राउ गरिएको जिल्ला प्रहरी कार्यालय सप्तरीका डिएसपि एव प्रबक्ता भुवनेश्वरप्रसाद साहले जानकारी दिनुभयाे । डिएसपि साहका अनुसार पक्राउ परेका युवकमाथि थप आवश्यक अनुसन्धान कार्य भइरहेको बताउनुभयो ।