झापा – आगलागीबाट झापामा एक जनाको मृत्यु भएको छ । जिल्ला प्रहरी कार्यालय झापाका अनुसार मृत्यु हुनेमा कचनकवल–१ घेराबारीका करिब ६० वर्षीय गोवर्द्धन राजवंशी छन् ।

आइतबार राति पौने १ बजेतिर राजवंशीको घरमा आगो लागेको थियो । काठको खम्बा, टिनको बेरा र टिनकै छानो भएको एकतले घरमा आगो लागेको प्रहरीले जनाएको छ ।

प्रहरी चौकी घेराबारीको टोली, भद्रपुर र बिर्तामोड नगरका दमकल र स्थानीयको सहयोगमा राति २ बजे आगो नियन्त्रणमा लिइएको थियो । तर घरधनी राजवंशीलाई बचाउन नसकिएको प्रहरीले जनाएको छ ।

राजवंशीसँगै एउटा गाई, दुईटा बाछा र तीनवटा बाख्रासमेत जलेको जिल्ला प्रहरी प्रवक्ता राकेश थापाले जानकारी दिए ।