हङकङमा यही शुक्रबार अर्थात् फेब्रुअरी १२ मा लुनार न्यु इयर मनाइँदैछ।तर सो नयाँ वर्ष अगाडि हङकङमा बम आक्रमणको योजना बनाउने दुई व्यक्ति गिरफ्तार भएका छन्।साउथ चाइना मर्निङ पोस्टका अनुसार उनीहरु साढे २३ केजी बिस्फोटक पदार्थ र हतियारसहित पक्राउ परेका छन्।

पक्राउ पर्नेमा ४२ वर्षका कम्प्युटर प्रोग्रामर र ६२ वर्षका विकास निर्माणको काम गर्ने कामदार भएको बताइएको छ।उनीहरु सरकारविरोधी समूहको सदस्य भएको अनुमान गरिएको छ।प्रहरी अधिकारीहरुका अनुसार नयाँ वर्षको भीडलाई लक्षित गर्दै उनीहरुले आक्रमणको योजना बनाएका थिए।

यस योजना सफल भएको भए सयौंले ज्यान गुमाउनसक्थे। हङकङको अपराध अनुसन्धान ब्युरोले विशेष निगरानी र अनुसन्धानपछि उनीहरुलाई गिरफ्तार गरेको हो।