काठमाण्डु – प्रधानमन्त्री केपी शर्मा ओलीले नेकपाको स्थायी कमिटी बैठक बेलाएका छन् ।

सर्वोच्च अदालतले संसद विघटनलाई बदर गरिदिएपछिको परिस्थितिबारे छलफल गर्न प्रधानमन्त्री एवम् पार्टी अध्यक्ष ओलीले बिहान ११ बजे बैठक बोलाएका स्थायी कमिटी सदस्य सत्यनारायण मण्डलले जानकारी दिए ।प्रधानमन्त्री ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा विघटन गरिदिएकी थिइन् ।मंगलबार सर्वोच्च अदालतले ओलीको कदम असंवैधानिक ठहर गर्दै संसद पुनर्स्थापनाको फैसला गरेको थियो । सर्वोच्च अदालतले संसद पुनर्स्थापनाको फैसला गरेसँगै प्रचण्ड–नेपाल समूहले प्रधानमन्त्री ओलीले पदबाट राजीनामा दिनुपर्ने माग गरेका छन् ।योसँगै ओलीसँग पदबाट राजीनामा दिने वा संसदमा बहुमत सावित गर्ने दुई विकल्प छन् । तर संसदमा ओली पक्षको बहुमत पुग्दैन ।

यद्यपि ओलीका प्रेस सल्लाहकार सूर्य थापाले प्रधानमन्त्रीले राजीनामा नदिने र संसदको सामना गर्ने प्रतिक्रिया सार्वजनिक गरेका छन् ।