सिड्नी – अष्ट्रेलियाले पहिलो पटक गुगल र फेसबुकले समाचार सामाग्री राखेबापत सम्बन्धित समाचार संस्थालाई पैसा तिर्नुपर्ने कानून पारित गरेको छ ।

यस्तो कानून परित गर्ने अष्ट्रेलिया विश्वमा पहिलो देश भएको छ ।उक्त कानूनको अमेरिकी प्रविधिसम्बन्धी ठूला कम्पनीले विरोध गरेका छन् ।गत हप्ता फेसबुकले सबै समाचार सामग्रीहरुमाथि रोक लगाएको थियो र यस हप्ता उसले सरकारसँगको छलफलपछि उक्त निर्णयलाई उल्टाएको थियो ।उक्त छलफलपछि उक्त नयाँ कानूनमा केही सुधार गरी फेसबुक र गुगललाई बाध्य नबनाउने खालका प्रावधान राखिएको छ ।तर पनि दुबै कम्पनीले अस्ट्रेलियाका ठूला प्रकाशकहरूलाई उक्त कानूनको दायरा बाहिरबाटै ठूलै मात्रामा रकम दिन प्रतिबद्ध भएका छन् ।

यस किसिमको समझदारीलाई गुगल र फेसबुकले सम्झौता गरेको रुपमा हेरिएको छ ।