काठमाडौं – नेपाली कांग्रेसका वरिष्ठ नेता रामचन्द्र पौडेलले म्यानमारमा नरसंहार मच्चिँदा पनि नेपाल सरकारले सैन्य क्रूरताविरुद्ध एक शब्द पनि नबोलेकामा आपत्ति जनाउनुभएको छ ।

रिपोर्टर्स क्लब नेपालको २३औं वार्षिकोत्सव समारोहलाई सम्बोधन गर्दै नेता पौडेलले ७० वर्षसम्म लडेर ल्याएको लोकतान्त्रिक प्रणाली, संघीय लोकतान्त्रिक गणतन्त्र र समावेशी गणतन्त्र अदालतबाट बचाउनुपर्ने अवस्था आएको उल्लेख गर्नुभयो ।

राज्य संयन्त्रमा विकृति देखा परेको भन्दै नेता पौडेलले नैतिक पतनको बाटोमा देशलाई अघि बढाइएकामा सरकारको आलोचना गर्नुभयो ।