जापानमा त्यहाँको सरकारले तेस्रो पटक संकटकाल घोषणा गरेको दोस्रो दिन सोमबार सार्वजनिक गरिएको तथ्यांकमा त्यहाँका सङ्क्रमितमध्ये अहिलेसम्ममा १० हजार जनाको ज्यान गएको बताइएको छ।

त्यहाँ सङ्क्रमणको घोषणा गरेपछिको दोस्रो दिनमै सोमबार मात्र कोरोना भाइरसबाट सङ्क्रमितहरूको संख्या झन धेरै देखिएको बताइएको थियो।त्यहाँ अहिलेसम्ममा पाँच लाख ६६ हजार जना भन्दा बढी नागरिक सङ्क्रमित भएका बताइएको छ। त्यहाँका अधिकारीहरूले पछिल्ला केही हप्तामा जापानमा सङ्क्रमण हुने र मृत्यु हुने दर बढिरहेको पनि बताएका छन्।जापानका स्वास्थ्यमन्त्री र स्थानीय सरकारका अधिकारीहरूले मंगलबार दिएको जानकारीअनुसार आजसम्ममा त्यहाँ यो सङ्क्रमणबाट मृत्यु हुने १० हजार जना पुगेका छन्।जापानको राजधानी टोकियो र त्यसपछि त्यहाँका पश्चिमी प्रान्तहरू सहरहरू ओसाका, क्योटो र ह्योगोमा त्यहाँका प्रधानमन्त्री याशिहिदे सुगाले आइतबार संकटकालको घोषणा गर्नुभएको थियो। सो संकटकालपछि त्यहाँ सोमबार मात्र कम्तिमा ३ हजार ३०० जना जतिमा यो संक्रमण देखिएको बताइएको छ।

राजधानी टोकियोसहित कोरोना भाइरसबाट बढी प्रभावित अन्य सहरहरू कानागावा, सैतामा, चिबा, ओसाका, ह्योगो र फुकुओकामा लागु गरिएको हो। त्यहाँ कोरोना विरुद्धको खोपको काम भने निकै ढिला भएको बताइएको छ। त्यहाँका अधिकारीहरूले कारोनाको खोप दिन ढिला गरिरहेकोले आलोचना पनि भइरहेको बताइएको छ।