सप्तरी – भारतीय टेलिभिजन पत्रकार रोहित सरदानाको मृत्यु भएको छ । कोरोना संक्रमित भएका रोहितको हृदयघातबाट शुक्रबार बिहान निधन भएको भारतीय मिडियाहरुले उल्लेख गरेका छन् ।

उनको कोरोना संक्रमण बारे पिसिआर परिक्षण गर्दा निगेटिभ आएको र सिटी स्क्यानपछि कोरोना पुष्टि भएको उनले सामाजिक संजालबाट जानकारी दिएका थिए ।

४० बर्षका रोहितले हाल आजतक टिभीमा ‘दंगल’ नामको चर्चित शो समेत चलाइरहेका थिए । यसअघि उनले जी न्युजमा काम गरेका थिए ।

वरिष्ठ पत्रकार राजदीप सरदेसाईले आफ्ना सहकर्मी रोहितको मृत्यु भएको पुष्टि गर्दै रोहित उत्साही पत्रकार भएको लेखेका छन् । त्यस्तै इण्डिया टुडेकै अर्का पत्रकार राहुल कवलले पनि रोहितको मृत्युले आजतक र इण्डिय टुडेको न्यूज रुम शोकमा रहेको उल्लेख गरेका छन् ।