सप्तरी : दार्चुलाका चार स्वास्थ्यकर्मी सहित थप सात जनामा कोरोना भाइरस संक्रमणको पुष्टि भएको छ ।

शंकास्पद र स्वास्थ्य समस्या भएका व्यक्तिहरुको एन्टिजेन विधिबाट जिल्ला अस्पताल दार्चुला र गोकुलेश्वर अस्पतालमा परीक्षण गर्दा शुक्रबार सात जनामा संक्रमण पुष्टि भएको जिल्ला स्वास्थ्य कार्यालय दार्चुलाले जनाएको छ ।

संक्रमण पुष्टि हुनेमा चार जना गोकुलेश्वर अस्पतालका स्वास्थ्यकर्मी, एक जना बोर्डिङ स्कुलका शिक्षक रहेका छन् । यस्तै जिल्ला अस्पताल दार्चुलामा गरिएको परीक्षणमा महाकाली नगरपालिका-५ का एक र मालिकार्जुन गाउँपालिका-८ का एक पुरुषमा संक्रमण पुष्टि भएको स्वास्थ्य कार्यालय दार्चुलाका कोरोना फोकल पर्शन वीरेन्द्र राज भट्टले बताए ।

यसअघि पनि पाँच स्वास्थ्यकर्मीहरुमा संक्रमण देखिएको छ । यससँगै दार्चुलामा एन्टिजेन विधिबाट गरिएको परीक्षणमा संक्रमण पुष्टि हुनेको संख्या २४ पुगेको छ ।