काठमाडौँ – प्रधानमन्‍त्री केपी शर्मा ओलीले संविधान स‌ंशोधन गर्न आफू तयार रहेको बताएका छन् । सोमबार विश्वासको मत लिनुअघि प्रतिनिधि सभामा बोल्दै प्रधानमन्त्री ओलीले संविधानको सर्वस्वीकार्यताका सन्दर्भमा त्यस्तो कुनै समस्या नभएको भन्‍दै असन्तुष्टि सच्याउन सकिने बताए ।

‘संविधानको सर्वस्वीकार्यताका सन्दर्भमा त्यस्तो कुनै समस्या छैन,’ उनले भने, ‘असन्तुष्टि छ भने सच्याउनु पर्छ भन्‍ने सन्दर्भमा कुनै केही होलान् । तर, सर्वस्वीकार्य होइन भन्‍ने छैन । हामीले संविधानको स्वीकार्यता र पालना गर्ने विषयमा कुनै समस्या छैन । संविधान आधारभूतमा समस्या रह्यो भन्ने समस्या छैन । जहाँ कार्यान्वयनको समयमा समस्या भयो भन्‍ने समयानुकुल समयमा संशोधन गर्न सकिन्छ । संविधान संशोधन गर्ने सबालमा सरकार तयार छ ।’