काठमाडौं – नेपाली कांग्रेसले संविधान र लोकतन्त्र बचाउन अब बाध्य भएर राष्ट्रपति विद्यादेवी भण्डारीविरुद्ध महाअभियोग लगाउने निश्कर्ष निकालेको छ ।

पार्टी सभापति शेरबहादुर देउवा निवासमा आज बसेको पदाधिकारी बैठकले राष्ट्रपति भण्डारीले संविधानको भावना र मर्मको खिल्ली उडाएको भन्दै यस्तो निश्कर्ष निकालेको हो ।राष्ट्रपति र प्रधानमन्त्रीले चालेका असंवैधानिक कदम विरुद्ध सबै पार्टी एकजुट हुनुपर्ने भन्दै कांग्रेसले चारवटै ठूला पार्टीसँग यसबारे छलफल गर्ने भएको छ ।

यस प्रयोजनका लागि अहिले मध्यान्ह् १२ बजे देउवाले दलका नेताहरुलाई छलफलका लागि आमन्त्रण गरेका छन् । स्रोतका अनुसार, बैठकमा माओवादी अध्यक्ष पुष्पकमल दाहाल प्रचण्ड, जसपा अध्यक्ष उपेन्द्र यादव र एमाले नेता माधवकुमार नेपाल सहभागी हुने छन् ।