ढाका – बंगलादेशमा लकडाउन समयावधि फेरि थप गरिएको छ । देशव्यापी लक डाउन फेरि १० दिन थप गरिएको सरकारी अधिकारीहरुले जानकारी दिएका छन् ।

लकडाउन अझै कडा बनाउदै लगिने पनि उनीहरुले बताएका छन् । महामारी अपेक्षित रुपमा नियन्त्रण हुन नसकेकाले लक डाउन अझ कडा बनाउनुपरेको उनीहरुको भनाइ छ । यसअघि लागू गरिएको लक डाउन सोमबार सकिएपछि मंगलबारदेखि पुनः निरन्तरता दिइएको हो । बंगलादेशमा कोरोना भाइरस महामारी फैलिएपछि लामो समयदेखि लक डाउन जारी रहेको छ । यसअघि पनि लक डाउन समयावधि पटकपटक थप गरिएको थियो ।
अहिले थप गरिएको लक डाउन आगामी जुन १६ मध्यरातसम्म कायम रहने सरकारी अधिकारीहरुले जानकारी दिएका छन् । लक डाउनको म्याद थप गर्ने बारेमा सरकारी अधिकारीहरुले सरोकारवाला तथा विज्ञहरुसँग परामर्श गरेका थिए ।

उनीहरूको सुझाव र सिफारिसका आधारमा मन्त्रीपरिषद्ले समयावधि थप गरिएको अधिकारीहरुको भनाइ छ । बंगलादेशमा अहिलेसम्म कुल ८ लाख १२ हजार ९६० जना संक्रमित भएका छन् भने कुल १२ हजार ८६९ जनाको कोरोना भाइरसकै कारण मृत्यु भएको छ ।