ढाका – बंगलादेशमा लकडाउन थप १ महिना लम्ब्याइएको छ । बंगलादेश सरकारले भाइरसको प्रकोप नघटेपछि जारी लक डाउनलाई थप १ महिना लम्ब्याइएको बुधबार जानकारी दिएको छ ।

लक डाउन बुधबार रातिदेखि थपिएको हो । लकडाउन जुलाइ १५ तारिखसम्म कायम रहने घोषणा गरिएको छ । त्यस अवधिका लागि सार्वजनिक यातायताका साथै पर्यटनसँग सम्बन्धित होटल रेष्टुराँ सीमित संख्यामा मात्र खुल्न दिइने छ ।सरकारी कार्यालय, बैंक तथा फाइनान्स सेवा पनि प्रत्येक दिन केही घन्टा छुट्याएर खोल्न दिइने छ । लक डाउन देशैभरि लगाइएको छ ।

बंगलादेश सरकारको मन्त्रीपरिषद बैठकले बुधबार लक डाउनको समयावधि थप गरेको जनाएको हो । बंगलादेशमा पनि पछिल्लो समय कोरोना भाइरसको प्रकोप बढ्दै गएको छ ।