एजेन्सी – पेरुमा भयानक बस दुर्घटना भएको छ । दक्षिण अमेरिकी मुलुक पेरूको अयाकुचोमा बस दुर्घटना भएको हो ।

दुर्घटनामा कम्तीमा २७ जनाको ज्यान गएको अन्तर्राष्टिय संचारमाध्यमले जनाएको छ ।उक्त घटनामा कैयौँ व्यक्ति घाइते भएका छन् ।प्रहरीले स्थानीय सञ्चारमाध्यमलाई दिएको प्रारम्भिक जानकारी अनुसार स्थानीय समय बिहान ३ अयाकुचो क्षेत्रबाट अरेक्वीपातर्फ जाँदै गरेको बस अनियन्त्रित भई सडकदेखि करिब २५० मिटर तल खोलामा खसेको थियो ।

राजधानी लिमाबाट ६०० किलोमिटर दक्षिणपूर्वमा अवस्थित दुर्घटना स्थलको प्रारम्भिक रिपोर्ट अनुसार वारी पालोमिनो कम्पनी बसमा अधिकांश खानीमा काम गर्ने श्रमिक र उनीहरूका परिवार रहेका प्रहरीले बताएको छ ।

दुर्घटना भएको सूचनापछि लगत्तै उद्धार टोली, दमकलकर्मी र प्रहरी अधिकारीहरू घटनास्थलमा ग्र्य घाइतेहरूलाई उद्धार गरी नजिकैको नास्काको अस्पताल लगिएको छ । प्रहरीले दुर्घटनाबारे अनुसन्धान सुरु गरिएको जनाएको छ ।