विराटनगर – प्रदेश १ मा कोरोना संक्रमितको संख्या ७० हजार नाघेको छ । एकै दिन २२७ जना नयाँ बिरामी थपिएपछि संक्रमित संख्या ७० हजारबाट उकालो लागेको हो । सामाजिक विकास मन्त्रालयका अनुसार हाल कोरोना संक्रमितको संख्या ७० हजार १९१ पुगेको छ ।

पीसीआर परीक्षण गर्दा थपिएका नयाँ संक्रमितमध्ये १०३ महिला र १२४ पुरुष रहेका छन् । ६६० जनाको पीसीआर परीक्षण हुँदा ४३३ जनाको रिपोर्ट नेगेटिभ आएको सामाजिक विकास मन्त्रालयले जनाएको छ । नयाँ थपिएका संक्रमितमा सुनसरीका १०७, मोरङका ७८, झापाका २८, धनकुटा र उदयपुरका ३÷३, ते¥हथुमका एक र प्रदेश १ बाहिरका सात जना रहेको मन्त्रालयले जनाएको छ । प्रदेशमा हाल सक्रिय संक्रमितको संख्या ८ हजार ६४९ रहेको छ ।प्रदेश १ मा पछिल्लो समय दैनिक संक्रमण घट्दो अवस्थामा छ । कोरोना महामारी उत्कर्षमा पुगेका बेला एक हजारभन्दा बढी नयाँ बिरामी प्रदेशमा थपिने गरेका थिए ।

तर अहिले दैनिक थपिनेभन्दा निको हुने संक्रमितको संख्या धेरै छ । प्रदेश १ मा शनिबार ९५४ जना उपचारपछि निको हुँदै कोरोनामुक्त भएर सामान्य जीवनमा फर्किएका छन् । एकै दिन संक्रमणमुक्त हुनेमा ४१७ महिला र ५३७ पुरुष रहेका छन् । प्रदेशमा हालसम्म ६० हजार ३६९ जनाको उपचार सफल भइसकेको छ । कोरोनाका कारण प्रदेशमा १ हजार १७३ जनाभन्दा बढीको मृत्यु भइसकेको जानकारी मन्त्रालयले दिएको छ ।