रश्मिका

सप्तरी : कन्नड र तेलुगु चलचित्र क्षेत्रकी परिचित नाम अभिनेत्री रश्मिका मन्दानालाई गुगलले विशेष उपाधि दिएको छ । हालै उनलाई गुगलले २०२० को भारतकी राष्ट्रिय क्रसको उपाधि दिएको हो ।

गुगलमा ‘नेशनल क्रस अफ इन्डिया’ भनेर सर्च गरियो भने अभिनेत्री रश्मिका मन्दानाको नाम आउने छ ।
उनको जन्म सन् १९९६ अप्रिल ५ मा कर्नाटकको विराजपेटमा भएको थियो । उनले सन् २०१६ मा रिलिज भएको चलचित्र ‘किरिक पार्टी’ बाट चलचित्रबाट डेब्यू गरेकी हुन् । पहिलो चलचित्रबाटै चर्चा कमाएकी उनले त्यसलगतै अन्य दुई ठूला चलचित्र ‘अन्जनी पुत्र’ र ‘चमक’ मा काम गर्ने मौका पाइन् ।

हालसम्म उनका १० वटा चलचित्र रिलिज भइसकेका छन् भने चारवटा चलचित्रको छायांकन जारी छ ।

कन्नाडाका साथै सन् २०१८ मा चलचित्र ‘चालो’ बाट तेलुगु जगतमा पनि डेब्यू गरिन । यसका साथै उनले गीता गोविन्दम, डियर कमरेड, देवदास, सारीलेरु निकेवारु र भीष्मालगायत चर्चित तेलुगु चलचित्रमा अभिनय गरेकी छिन् ।