काठमाडौं – एसी मिलानले इटालियन सिरी ‘ए’ फुटबलमा सहज जित निकालेको छ । आइतबार राति भएको खेलमा काग्लियारीलाई ४–१ गोल अन्तरले पराजित गरेको हो ।

लगातार दोस्रो जित निकाल्ने क्रममा मिलानले काग्लियारीलाई घरेलु मैदानमा सहज रुपले पराजित गरेको हो । मिलानको जितमा ओलिभर जिरौडले दुई गोल गरे । यस्तै सान्ड्रो टोनाली र राफायल लियोले एक एक गोल गरे । काग्लियारीका एलेसान्ड्रो डिओलाले एक गोल फर्काए । खेलको १२ औं मिनेटमा टोनालीले गोल गर्दे मिलानलाई अग्रता दिलाए । १५ औं मिनेटमा काग्लियारीका लागि डिओलाले बराबरी गोल फर्काए । खेलको १७ औं मिनेटमा मिलानका लागि राफेलले गोल गर्दै टिमको अग्रता २–१ पारे ।

२४ औं मिनेटमा जिरौडले गोल गर्दा मिलानले ३–१ गोलको अग्रता बनायो । ४३ औं मिनेटमा जिरौडले नै व्यक्तिगत दोस्रो गोल गर्दै टिमलाई ४–१ गोलको तिज दिलाए । जितसँगै मिलानले २ खेलमा ६ अंक जोडेको छ । मिलान चौथो स्थानमा छ । काग्लियारीले २ खेलमा १ अंक जोडेको छ ।