सप्तरी – गुल्मीको इस्मा गाउँपालिकामा शुक्रबार बिहान जिप दुर्घटनाग्रस्त हुँदा पाँच जनाको घटनास्थलमै मृत्यु भएको छ । इस्मा–४ हुलबाट तम्घास आउँदै गरेको लु१ज ११६६ नम्बरको जिप सडकबाट खसेको हो ।

इस्मा प्रहरी चौकी इन्चार्ज मोहनलाल अधिकारीका अनुसार जिपमा सवार तीन पुरुष र दुई महिलाको घटनास्थलमै मृत्यु भएको छ । एक जना बेपत्ता छन् भने अर्का एक जना घाइते भएका छन् ।
जिप टुक्राटुक्रा परेकाले बेपत्ता व्यक्ति भिरमै कतै अड्किएको हुन सक्ने प्रहरीले जनाएको छ । प्रहरीका अनुसार अहिलेसम्म मृतकहरूको सनाखत हुन सकेको छैन ।