सप्तरी – साउदी अरेबियामा कोभिड १९ का कारण हालसम्म ८८ जना नेपालीको मृत्यु भएको छ। दुतावास रियादका अनुसार ७२ जना र वाणिज्य दुतावास जेद्धाका अनुसार १६ जना गरी ८८ जना नेपाली कामदारको कोरोना भाइरसबाट मृत्यु भएको हो। दुतावासले चार्टड उडानबाट २ सय ८ शवहरु समेत पठाएको छ।

साउदीस्थित नेपाली दुतावास रियाद र वाणिज्य दुतावास जेद्धाको सहयोगार्थमा साउदी सरकारले हालसम्म कम्पनीमा कार्यरत रहँदा अकामा नविकरण नगरेक १ हजार २ सय ८८ जना नेपालीलाई वहिर्गमन भिषा जारी गरेको छ भने दुतावासले पासपोर्ट नविकरणको लागी आफ्नो फेसबुक पेजमार्फत आवश्यक विवरणसहित अनलाइन फारमको व्यवस्था गरेको छ । साउदी अरेबियामा कोरोना भाइरसको असरले गर्दा स-साना तथा मझौला कम्पनी बन्द हुने अवस्था रहेकाले नेपाली कामदार स्वदेश फिर्ता हुने संख्या दैनिकी रूपमा बढ्दो छ। हालसम्म कोभिड १९ को असर लगाएत अन्य कारणले अलपत्र परेका २० हजार ३ सय ६ जना नेपाली चार्टड उडान द्वारा स्वदेश फिर्ता भएका छन्।

साउदीमा कोरोना भाइरसबाट हालसम्म ३ लाख ५६ हजार ३ सय ८९ जना संक्रमित हुनुको साथै ५ हजार ८ सय ४० जनाको मृत्यु भएको छ भने ३ लाख ४५ हजार २ सय १५ जना निको भएका छन्।