सप्तरी – आयल निगमको ट्याङ्करमा फल्स चेम्बर बनाई इन्धन चोरी गरी बेचेको आरोपमा दुई चालक पक्राउ परेका छन्।

मंसिर ३ गते भारतीय आयल कर्पोरेसन बरौनीबाट पेट्रोल लोड गरी आएका ना ७ ख २९९५ र ना ७ ख ३६९६ नम्वरको ट्याङ्करमा उनीहरुले फल्स चेम्बर बनाएर तेल चोरी गरेको नेपाल आयल निगमले जनाएको छ।निगमले यसबारे अनुसन्धान गरी कारबाही प्रक्रिया अघि बढाउन भन्दै प्रहरी केन्द्रीय अनुसन्धान ब्यूरोलाई पत्र पठाएको थियो। निगमको पत्रपछि ब्यूरोले अनुसन्धान गर्न दुवै जनालाई महाराजगन्जबाट पक्राउ गरेको हो।

अनुसन्धानका लागि पक्राउ पर्नेहरुमा चालकहरू अजय लामा र बिकेश लामा छन्। उनीहरुले ट्याकंरमा फल्स चेम्बर बनाएर इन्धन लुकाई भारत लगी बेच्ने गरेको निगमको भनाइ छ।