एजेन्सी – इंग्लिस क्लब लेस्टर सिटीले युरोपा कन्फ्रेन्स लिगको अन्तिम ३२ को पहिलो लेगमा फराकिलो जित निकालेको छ । लेस्टरले घरेलु मैदानमा डेनिस क्लब रेन्डर्स एफसीलाई ४–१ को फराकिलो अन्तरले पराजित गरेको हो ।

किङ पावर स्टेडियममा बिहीबार राति भएको खेलमा घरेलु टोलीको फराकिलो जितमा विलफ्रेड एनडिडी, हार्भे बार्नेस, पाटसन डाँका र काएरनान डिउसवुरी हलले गोल गरे । रेन्डर्सका भिटोले एक गोल फर्काए ।

खेलको २३औं मिनेटमा विलफ्रेड एनडिडीले गोल गर्दै लेस्टरलाई १–० को अग्रता दिलाए । ४५औं मिनेटमा भिटोले एक गोल गरेपछि पहिलो हाफ १–१ गोलको बराबरीमा सकिएको थियो ।

४९औं मिनेटमा हार्भे बार्नेसले गोल गर्दै लेस्टरलाई २–१ ले अघि बढाए । ५४औं मिनेटमा पाटसन डाँकाले गोल गर्दै लेस्टरलाई सहज जिततर्फ अग्रसर गराए । ७४औं काएरनान डिउसवुरी हलले गोल गर्दै लेस्टरलाई फराकिलो जित दिलाए ।

अन्य नतिजा
फेनरवाचविरुद्ध स्लाभिया प्राहा (२–३), मिट्जेल्यान्डविरुद्ध पाओक एफसी (१–०), पिएसभी इन्डोभेनविरुद्ध मकावी तेल अभिभ (१–०), रेपिड वेनविरुद्ध भिटेसी (२–१), सेल्टिकविरुद्ध बोडो/ग्लिम्ट (१–३), मार्सेविरुद्ध क्वारावाग (३–१) र स्पार्टा प्राहाविरुद्ध पार्टीजान वियोगार्ड (०–१)